بمناسبة العيد 🖤🖤🖤🖤🖤
فكرة عن قطعيات اللحمة والأطباق المناسبه ليها
وش الفخدة طبعا المناسبة للشوى وكمان مناسبة للبفتيك وكباب الحلة والشاورما وباقى أجزاء الفخدة تنفع السلق والمفروم الخشن للحمة المعصجة
الكفته من اللحم الملبس يعنى نسبة الدهون فيه لا تقل عن ٢٠ % وأفضل منطقتين للكفتة الرقبة منطقة أسفل الصدر (الدوش)
الموزة والرقبة والكولاته والسِن كل دول ممتازين فى السلق أو الطواجن والفتة
الكتف نسبة اللحم الأحمر فيه كبيرة ونسيجه قوى عشان كده يفضل للسلق والطواجن اللى بتاخد وقت طويل فى السوى
بيت الكلاوى دى منطقة الستيك والفيليه والانتركوت ومنها كمان بناخد عرق الفلتو اللى ممكن نعمله لحمة باردة وتعتبر من افخم قطعيات اللحوم
عرق التربيانكو عكس الفلتو لحمه قاسى وماينفعش للشوى وبياخود وقت طويل فى السوى وانسب وصفه له هى اللحمة الباردة
الموزة اللى فى الساق الخلفية لحمها أكتر واحلى من الموزة الأمامية
الموزة الأمامية نسبة الجيلاتين فيها بعد الطهى أعلى من الخلفية
الموزة الخلفية من انسب القطع فى الفخد لعمل كباب الحلة والسكالوب ومكعبات اللحمة الحمراء
الموزة الأمامية تنطبخ مع الخضار أو تتعمل طواجن وتتسلق للفتة عشان ملبسه وفيها دهون وجيلاتين كتير بيخليها طرية
إرسال تعليق