١٠ خطوات تعمليهم لو انتي ام عصبية علشان تقللي عصبيتك شويه : 😡😌
☑️ العد التنازلي
- قبل ماتاخدي قرار الهجوم على ولادك بالزعيق أو الضرب عدي لحد عشره بالعكس ( من ١٠ ... ٩ ... ٨ ... وهكذا )
☑️ تنظيم التنفس
- قبل قرار الهجوم لو حاسه ان العد صعب في الاول اتنفسي بالراحه من مناخيرك .. املي الرئه بالأكسجين وتخيلي إنك بتطلعي كل العصبيه اللي جواكي وانتي بتخرجي النفس من فمك .
☑️ تغيير المكان
- لو حصلت حاجه وعصبتك ونرفزتك في المكان اللي انتي موجوده فيه حاولي تغيرى مكانك حتى لو تروحي الحمام .
☑️ تغيير الوضع
- لو حصلت حاجه ضايقتك ومش قادره تمشي من المكان ( لو واقفه اقعدي ولو قاعده اقفي) غيرى الوضع اللي انتي فيه.
☑️ الهدوء بالروحانيات
- حاولي قبل ماتتكلمي وانتي متعصبه قومي الاول اتوضي ( لو ده متاح ) ولو قدرتي تصلي ركعتين وتدعي ربنا يرزقك الصبر والحكمة هيكون جميل جدًا .
☑️ الاسترخاء
- حاولي تعملي ميديتاشن ولو ١٠ دقايق كل يوم ( ممكن تسمعي مزيكا هاديه ، تسمعي قرآن بصوت شيخ بتحبي تسمعيله ) .
☑️ الاكل الصحي
- أننا ناكل اكل مفيد و نقلل الكافيين بيفرق جدًا في انك تكوني اهدي .
☑️ ممارسة الرياضه
- لو تقدرى تمارسي رياضه هتفرق معاكي جدًا ( الچيم أو في البيت حتي لو النزول صعب عليكي )
☑️ النوم فتره كفايه
- كل ماهتنامي كويس وجسمك ياخد الوقت الكافي من النوم عصبيتك هتقل بشكل ملحوظ
☑️ اخر حاجه هقولك عليها :
حاولي تفتكرى دايمًا إن الأخطاء فرص للتعلم ( احنا نفسنا لو مغلطناش عمرنا ماكنا هنتعلم ) .
إرسال تعليق